AZKEN ONDORIOTZAT

Blog honi bukaera emate aldera, berau egitean ikasitako eta ikusitako hainbat aspektu nabarmendu nahiko genituzke. Bukatu da, beraz, Maria Reina eskolako bizikidetzari buruzko blogaren sortze fasea.

Gure hasierako helburuak argiak ziren: blog bat egiteko gai izatea eta ERABILGARRIA izango zen blog bat egitea.
Lehenengo helburua lortu dugu. Baina egiteko gai izatea baino, orain garrantzia handiago du eraikitze bidean ikasitako guztiak. Blog hau egitearen ideia (edo eginbeharra) Unibertsitateko irakasgai batetatik etorri bazen ere, ideiari forma eman ahala, blogek eduki ditzaketen funtzio eta erabilera anitzen jabe egin gara. Informazio iturri aberasgarria izateaz gain (artikuluak, testuak, iritziak, argazkiak, bideoak...bildu baitaitezke), elkargune ere badira blogak, horretarako aukera emanez gero. Ikasle, irakasle, guraso, eskolako langile...guztien elkargune bihur daitezke blogak, guztien arteko eta bidezko ikaste herramienta bat izanez.

Bigarren helburuari dagokionez, aldiz, ez gaude horren pozik. Oraindik ere lan asko dago eskoletan egiteko, teknologia berriek ez baitute izan beharko luketen indarra eta erabilera eskoletan. Ezjakintasuna da nagusi irakasleen artean teknologia berriak aplikatzerako garaian, eta ezjakintasun horrek blogak bezalako baliabide aberasgarriak galtzea dakar. Gure blogak eskola guraso eta irakasleen arteko elkargune izan nahi zuen, baina ez da harremanik egon. Eskolan gure kontaktu izandako irakasleak, hala ere, bloga ikusi eta herramienta interesgarritzat jo du, eta ez da gutxi, orain behintzat honelako baliabideak oso eskuragarri dituela baitaki irakasleak ere.

Mila esker!

ARRAZAKERIARIK EZ!!

Arrazakeria gaur egun gero eta arazo garrantzitsuagoan bihurtzen ari da gure herria. Gure hiri eta herriko kaleetan gero eta etorkin gehiago daude eta hauekin batera gero eta haur etorkin gehiago. Aniztasun honen aurrean zer egin ez dugu jakiten sarritan, eta ezjakintasun hau helduengandik hasi eta haurretara pasatzen da, baina ez alderantziz. Gure eginbeharra da eskoletan aniztasuna positiboa den ezaugarritzat ikustea eta honela transmititzea gure haurrei. Gainera, honetaz baliaturik ikasi egin behar dugu eta gure haurrak aniztasunean heztearen alde onak negatiboen gainetik jarri, gainetik baitaude argi eta garbi.

Arrazakeria bizikidetzaren arerio nagusienetakoa da eta ondorengo bideoan ikusten diren ekintzak eskola guztietara zabaldu beharko lirateke.

GURASOAK ETA BIZIKIDETZA

Eskoletan bizikidetza programak txertatu nahi izanez gero, ezinbestekoa dugu gurasoen laguntza eta inplikazioa, azken finean haurrengan balore sistema eratu nahi badugu denok norabide berdinean lan egin beharko baitugu: eskola naiz gurasoek.

Adibide bezala, Hirukide eskolan eta Eskolapioetan gurasoek Bizikidetza programak bultzatzean izandako garrantzia aipatu nahiko genuke gure proiektuan ere gurasoek euren zeresana izan behar dutela uste dugulako.

Klikatu hemen informazio gehiago nahi izanez gero.

BULLYING-A SAIHESTUZ

Bizikidetzaren bitartez, Bullying-a da eskolak sahiestu nahi duen arazoetariko bat. Gizartean sarritan entzuten dugu Bullying-ari edo "berdinen arteko boterearen gehiegikeriari" buruz eta ezinbestekoa da eskoletan kasu hauek eman ez daitezen, ikasleek bizikidetzarako hezkuntza on bat jasotzea. Programa hauek eskolan txertatzeak, beraz, berebiziko garrantzia du pertsona oso, baloredun eta kritikoak hezi nahi baditugu.

Bullying-ari buruzko informazio gehiago nahi izanez gero, klikatu hemen.

Bestalde, gurasoek hemen duzue beste aholkularitzarako link bat.

Irurako Ikastola

Hona hemen Irurako ikastolan duela pare bat urte Bizikidetza lantzeko adibide praktiko bat.

.

ZENBAIT ADIBIDE

Bizikidetzarako programa baten sorrera beharrezkoa ikusten dugu eskolan Bizikidetza benetan bultzatu nahi bada. Horretarako, gainerako ikastetxeetan egiten ari direna edo dauzkaten proiektuak ezagutzea interesgarria iruditzen zaigu, oso.

Horretarako Zarautzeko berritzegunetik "Bizikedetzarako eta pakerako hezkuntza programa" proposamen interesgarria iruditzen zaigu! Eman begirada bat eta esan zer iruditzen zaizuen!

Bestalde, Mutrikuko Institutuan ere Elkarbizitzarako Programa bat garatu du, zeina interesgarria izan daitekeen Maria Reinan ere antzeko zerbait egin nahi izanez gero. Informazio gehiago nahi izanez gero, klikatu hemen.

GURE PROPOSAMENA

• Eskolako bizikidetza eskolaren eremuan oinarrizko baloreak lantzeko modu gisa hartzea, kontuan izanik balore horiei lotuta agertzen direla sexu-berdintasunerako hezkuntza, giza eskubide eta bake-hezkuntza, kulturarteko hezkuntza, garapenerako hezkuntza eta abar.

• Zikloetako eta hezkuntza-etapetako curriculumaren barruan gatazka guztiei buruz gogoeta egitea ahalbidetuko duen programa bat definitzea, gatazka horiek eremu pribatukoak eta familia-eremukoak nahiz gizarte- eta politika-eremukoak izanik. Gogoeta horietan gatazka horien adierazpena, kausak, ondorioak (diskriminazioak, erasoak, gizarte-marjinazioa, gerrak eta abar) kontuan hartuko dira.

• Ikasleei eskola ingurunetik kanpo antzematen diren bestelako arazo eta egoera batzuk adieraztea eta horietaz sentsibilizatu daitezen lortzea, bakea eta justizia erdietsi behar diren helburuak direla eta benetako demokratizazioak erronka bat izaten jarraitzen duela konturatzeko.

• Ikasleei sozializazio-prozesuan laguntzea, ikasleen elkartegintza sustatuz eta haur- eta gazte-elkarteetan nahiz gizarte-elkarteetan parte hartzera bultzatuz, aukera ematen baitzaie horrela mundu solidario, demokratiko eta zuzenagoaren eraikuntzan parte hartzeko.

ESKU HARTZEA

Nola esku hartuko dugu eskolan?? BOTA ZUEN PROPOSAMENAK!!!

BIZIKIDETZARAKO OINARRIZKO BALOREETAN HEZTEA

Ikastetxean giro baketsu batean elkarrekin bizitzen ikastea, ikasgelako ikaskideekin eta irakasleekin era positibo batean harremanak izaten jakitea eta bidezkoagoak diren giza harremanetan sakontzeko tresna baliagarri gisa gatazkak erabiltzea biderik eraginkorrena da bakearen kultura eraikitzen hasteko eta benetan demokratikoak diren jarrera eta ohitura batzuk gureganatzeko. Eskolan biolentzia eta boterearen nahiz indarraren gehiegikeria baztertzen baditugu, pertsonenganako errespetuan oinarritutako harremanak sortzen baditugu, kontuan hartuta guztiak baliagarriak direla eta taldearen erabakiak denon adostasunez hartu behar direla, bizikidetzarako beharrezkoak diren oinarrizko baloreetan heztea lortuko dugu.

Baina horrez gain, balore horiek irakasteko eta ikasteko prozesuaren helburu eta eduki gisa landu behar ditugu. Hezkuntza-sistemaren erantzukizuna da bizikidetza demokratikoaren zentzua berenganatuko duten pertsonak prestatzea. Horretarako, eskolaren eguneroko bizitzan burutzen diren hezkuntza-praktikak berriro planteatzeaz gain, ondoko printzipio hauetatik abiatuta hezi behar dugu: giza eskubideak, justizia, genero, arraza edo erlijioa direla-eta sortutako edozein diskriminaziori aurre egiteko borroka, estereotipoen gaitzespena, bestearen onarpena, kulturartekotasuna, eta ahulenekiko elkartasuna.

Horregatik, gizatasuna eraikitzen den eta esparru zuzena adosten ikasten den lekua izan behar du eskolak, eta hori lortzeko banakoaren edo taldearen proiektuak kontrastatu behar ditugu, eta pertsona eta kultura desberdinak errespetatu. Horrekin guztiarekin zuzenagoak eta elkarrizketarako irekiagoak, toleranteagoak eta solidarioagoak diren pertsonak sortzen lagunduko dugu. Pertsonen eta komunitateen arazoak konpontzeko garaian, erasoak, biolentziak eta injustiziak lekurik izango ez duten ingurune bat sortzen lagunduko duten pertsonak alegia.

ONGI ETORRI GURE BLOGERA

Kaixo, gure espazioko jarraitzaileak!!!

Blog honen bitartez zuei, irakasle eta guraso, zuzentzen gara ikasgelan lantzen ari garen eta gaur egun horren garrantzitsua den bizikidetzaren ideia gertuarazteko. Egindako sarreren inguruan iritzia eman, zeuek ere sarrera, bideo nahiz albisteak zintzilikatu... norberaren ikuspuntu ezberdinak azaleratu nahi ditugu irakaskuntza bateratu batean bizikidetzaren inguruan eztabaida bat sortzeko asmotan.
Eztabaida hau sortzea garrantzitsua iruditzen zaigu Maria Reinan egin nahi den Bizikidetza proiektua aurrera eraman ahala izateko, azken finean guraso naiz irakasleak, ikasleekin batera, denek baitugu zer esana proiektua egiterako orduan.

Hona hemen erraminta, goazen lanera!!!